Diasabra despues di 11:00pm, a manda un patruya di Polis na e mall di Alhambra Casino, na altura di Dunkin’ Donuts pa un mucha di 7 aña sinta su so eynan pa basta rato caba. Na yegada di e defensornan di ley, a papia cu e criatura, kende a splica Polis cu su mayornan a lag’e eynan cu un tablet pa e hunga, mientras cu nan mes a bay den casino.
A tuma e mucha over y a bay check den casino pa mira si nan ta topa cu e mayornan iresponsabel aki. Pero desafortunadamente, no a topa cu nan.
Polis a hiba e mucha Warda di Polis na Shaba y a tuma contacto cu Voogdijraad y otro instancianan pa pone nan na altura di e situacion.
