Turistanan riba aventura rond di nos isla a pasa den un momento di susto y situacion lamentabel ora cu e UTV cu nan tabata aden a bolter.
Aproximadamente 3:00 pm awe, a pidi presencia di polis na Natural Bridge pa un accidente cu turista envolvi. A compronde cu e UTV a bolter lagando un persona herida. Na sitio a constata cu en berdad e turista tabata herida pero el a keda sinta den e vehiculo.
E situacion a bira fastioso pa e victima na momento cu e prome unidad ta presenta pa asistencia medico, cual ta e pick up di IMsan cu no por transport’e. Si ta atende cu ne pa e prome axilio na sitio.
Ta despacha e prome unidad di ambulance pa busca e victima y transport’e pero lamentablemente ta hay’e cu un incidente na caminda. Un taira flat a pone cu nan no por yega cu e vehiuclo na sitio, pero e paramediconan a opta pa baha y yega na pia pa brinda nan asistencia na e victima.
Ta pidi un otro ambulance pa presenta na sitio y asina transporta e dama turista pa hospital. E victima tabata visibelmente den dolor y tabatin paramedico ta traha cu su pia, no ta sigur si e lo a fractura esaki.
