E caso di Vacuna Gate unda trahadonan contractant di DVG a tuma placa ta sigui. Ta varios detencion tabata tin caba anteriormente. E dos sospechosonan a bay liber caba. Ainda falta mas hende pa cay. E caso a bay den un silencio pero no necesariamente autoridad a para keto. A bay tras di e sospechosonan di siman pasa.
A bishita un of mas adres y haci detencion. Diamars mainta a bolbe haci detencion. A pone man riba un homber inicialnan MM y a drenta su cas na Catiri. E sospechoso tabata sa cu nan lo bin pe despues cu a pone man riba e dos prome sospechosonan. E mes a bisa fuentenan cu e no tin nada di sconde y no a haci algo contra ley pa cu vacuna.
Asina mes tin hende cu a papia riba dje te cu autoridad a bay su cas diamars trempan. Landsrecherche reforsa pa Hulandesnan a haci e entrada. Otro departamento di recherche tambe a sostene e departamentonan cu ta haciendo e investigacion. Ministerio Publico parce ta partidario tambe. Fiscalnan ora cu nan kier nan ta duna informacion. Ora cu prensa puntra ta duna solamente depende con y kende nan kier papia riba su cas.
No tin un maneho igual pa tur caso of pa tur hende envolvi den un caso. Asina mes lo duna Ministerio Publico beneficio di duda. Siman pasa a haci dos detencion den vacuna gate y te awe nada di Ministerio Publico. Awe a haci otro detencion cu entrada hudicial y nada.
