Den un reunion publico parlamento a trata awe loke ta e reglement van orde di conseho di minister. Tabatin dialogo y debate andando p’e transcurso di mainta entre e miembronan di parlamento. Den cuadro di esaki, lider di fraccion di MAS, Marisol Lopez-Tromp a splica cu ta den pandemia a bin cu esaki ya cu no por a reuni den un manera ‘normal’, pues asina a hacie legal pa reuni den forma digital y esaki ta un di e cambionan cu a trata y aproba diahuebs mainta. Segun Lopez-Tromp a splica e reglamento riba su mes ta basta bieu y asina a bin haci algun cambio chikito y fraccion di MAS a sostene esaki.
Lopez-Tromp a reitera riba e parti di corupcion cu el a bin ta topa den gobernacion anterior y cu por cierto “ainda t’ey y mi ta bay keda ilustr’e tambe, mi ta kere esey ta trece hopi iritacion cerca nan”, referiendo pues na e atakenan di parti di coalicion. Lider di MAS a splica cu el a haci algun pregunta tambe riba locual a sosode ora cu a bah’e como minister den cuadro di e reglement van orde.
Pues e no ta di acuerdo di con esaki a sosode, a kita su badge, e no por a drenta su oficina mas y no por a yega na su pertenencianan mas y cu esakinan ningun ta aspecto cu ta hinca den e reglement van orde. Resultado di esaki tabata un cantidad di atake y acusacion, pero Lopez-Tromp ta haya importante cu a regla e ley.
Pa cobertura mas amplio lesa edicion di TREMPAN mañan.
