Marjorie Vermeer ta un habitante di Bucutiweg y sigur a sinti e molester di e huma, procedente di e candela grandi cu a tuma luga na Daltra NV.
El a conta cu e huma tabata horibel mirando cu no tabatin biento. Si tabatin biento, e huma lo a bay lama.
Den e caso aki e huma a colga ya cu e biento a colga. Riba dje a cera e caminda, a sembra hopi panico entre e habitantenan. Nan no tabata sa kico a pasa.
HOLO DI GAS
Den ora di atardi, autoridad a pidi p’e habitantenan pa nan evacua nan cas te mas o menos 9:00 pm, na momento cu, segun pronostico di Meteo Aruba, biento lo a bolter. Esaki ta den cuadro di e gas toxico cu tabatin den e aire, cu a bin di e huma. Ta spera cu bin un ‘saneering’, esta cu e dump lo baha. Vermeer a yega di tende un biaha Eduardo de Veer trece dilanti, cu el a yega di bin cu un proposicion pa baha e dump 15 pa 20 meter y trah’e manera mester ta. Ta bay un dijk cu ta bay full den lama p’e awa sushi di e dump no sigui bay den lama.
Pa un relato amlio di e entrevista aki, busca edicion di corant digital Trempan di awe
