Un MQ-9 (drone) a lanta vuelo practicamente silencioso for di American Forward Operating Location (FOL) banda Aeropuerto Hato di Corsou. Algun kilometer leu tin decena di marinier scondi ta train. Nan mester dirigi e avion ‘invisibel’, cu ta bula na gran haltura, na un obheto specifico. Pa prome bes siman pasa e dirigentenan dje sosten aereo aki a train cu 306 Squadron y nan Reaper.
Caribbean Pirates, asina a yama e training, unda cu pa prome biaha Joint Terminal Attack Controllers (JTAC) di Cuerpo di Marina Real y 306 Squadron a traha hunto. Capitan di Marinier, Rick, trainer close air support (CAS) na Marine Training Command a bisa: “Esey ta special, pero e training aki ta unico pasobra tur cinco JTAC di e Marine Combat Groups (MCG) a bini hunto. En general, tabata un siman sumamente util. Nos no ta trahando super kinetisch, pero ta explora kico nos por haci entre nos. Y esey ta hopi.”
Movecion di vuelo
“Pa nos un biaha mas e ta un stap mas dilanti den test operacional y proceso di evaluacion (OT&E) di 306 Squadron”, capitan Bram, lider di sitio na FOL, a bisa. Un parti importante di “su” escuadron, complementa c’un grupo di vigilancia di e Object Ground Defense (OGRV) di Forsa Area, asina no mas no a pon’e na Corsou. E condicionnan climatico simplemente ta miho cu di Hulanda. Ademas, e cantidad di movemento di aviacion civil riba e isla no ta manera esun di Hulanda.
Cabina
“Aki nos por test y evalua miho y mas lihe”, e piloto di MQ Major ‘Weirdo’ a bisa. E, cu shete mil ora di vuelo riba diferente avion, y operador di sensor sergeant-1 Timo deliberadamente a scoge pa MQ-9. “Esaki ta manera bula di berdad. Al menos e desafio ta igual di grandi”, Weirdo a bisa.
“Hustamente esey ta importante pa constantemente di ta na altura di kico bo ta haciendo”, Timo a adverti. E piloto y e operador di sensor ta opera banda di otro e MQ-9 desde Ground Control Station (GCS). “Esaki realmente ta bo cabina di piloto”, Weirdo a splica. Tambe por ubica e stacion den un area operativo, manera den un container riba Hato. Of di gran distancia, manera e base local di Leeuwarden.
Mas eficiente
Comandante di Marina den Caribe, brigadegeneraal di marinier Frank Boots, ta encanta cu e yegada y capacidad di e Reaper. “MQ-9 ta haci un contribucion valioso den observacion aereo. Tambe por contribui na manda informacion den Caribe. Na mi opinion, un estadia largo di MQ-9 lo ta mas bonbini”, el a indica.
Keda mas tempo
JTAC di Cuerpo di Marina tambe ta mira bentaha grandi p’e trupanan riba tera den comparacion cu e avion- of helicopternan “normal” di cual awo nan ta depende di dje. “Pa nos e ta un plataforma ideal pa apoyo cercano: e MQ-9 por keda hopi tempo y tin menos pura c’un avion di combate”, capitan di marinier Rick a conclui.
“Nos ta simulando un avion di combate aki. MQ-9 ainda no tin armamento. Esaki ta permiti nos train e procedementonan di CAS y uza e Reaper, por ehempel haya e enemigo, haci coordinacion precies y e asina yama ‘buddy lasen’ unda cu e MQ-9 ta uza su laser pa tira un bom desde otro aparato. Pa nos custumbra ta cu, tur comunicacion durante e training pasa via e drone. Riba tera nos mester haya lihe y hopi informacion. Cu MQ-9, esey ta keda na e operador di sensor y analista di imagen. Esey ta causa un retraso.”
Tiki experencia
E training di Caribbean Pirates a proporciona hopi elemento di reflexion tanto p’e 306 Squadron como e mariniernan.”Bo ta ripara cu e ta un unidad bastante nobo, cu tin tiki experencia den brinda apoyo na forsa di tera (CAS, close air support)”, asina capitan Rick a bisa. “Ta importante cu nos reuni hopi biaha, pero nos tabatin un bon comienso.”
