Awe marduga a spacha un patruya di polis y un ambulance pa un homber burachi cu a cay y kap su cabes na altura di WEMA situa den Bernhardstraat na San Nicolas. E victima a bisa e defensornan di ley cu na un dado momento el a marea y a cay kap su cabes na rand di e acera.
Ambulance a yega mesora na e sitio y a brinda asistencia na e pober homber, cu obviamente a sufri basta dolor. Como cu e herida tabata basta profundo, e paramediconan abordo di e ambulance a opta pa toch transporta e homber pa Hospital pa ricibi tratamento medico avansa.
