MANTENSHON DI VIADUKTO BOU DI A. A. DE LANNOY- WILLEMS BLVD

176

Servisio pa Obra Públiko (OW) huntu ku e kontratista Betonbouw N.V., ta bai hasi trabounan di mantenshon na e otro viadukto bou di A.a. de Lannoy- Willems Blvd for di Arubastraat den Otrobanda promé ku yega na Brùg Koningin Juliana bayendo den direkshon di Punda.

E trabounan ta kuminsá djasabra 23 di sèptèmber i ta tuma 2 dia. Ta traha den wikènt pa asina minimalisá e molèster pa tráfiko. E trabounan ta nesesario debí ku e viadukto tin mester di mantenshon. Lo ta sera pa tráfiko for di 8or di mainta te ku 5or di atardi. Lo tin bòrchinan ku ta guia e outomobilista kon pa e kore. E outomobilista ku ta bini for di Punda pa bai Otrobanda por hasi esaki normalmente. E outomobilista ku ke sali for di Otrobanda ta kore riba Arubastraat, pero e no por sigui bai riba e kaminda usual pa bai Punda. E ta subi A.a. de Lannoy- Willems Blvd bai direkshon di Seri Domi i ta hasi un ‘u- turn’ promé ku e lusnan di tráfiko, pa bai bek i subi brùg direkshon di Punda.