Ley seco a drenta na vigor awe tardi pa 6’or, pero prome cu esey, por a nota na varios luga cu ta bende alcohol, a ricibi bishita masal pa asina cumpra alcohol. Por a mira trucknan carga cu bebida, pa asina nan ta bon gestock pa e dianan cu ta bay bin. Ley seco, manera cu a wordo decreta, a drenta na vigor for di 6’or di atardi y esey lo keda te cu diasabra. Pero nos Arubianonan, naturalmente, manera cu esaki a keda conoci, no a perde pa gana y a dicidi pa sali bay tienda, para den rij largo pa asina e cumpra por ta su caha di cerbes of boter di whiskey pa manera cu e caba di vota y anochi warda riba e resultadonan, e dal su drinks, manera cu e tin custumber. Manera cu nos por mira riba e imagen, por mira bastante hende para den Pricesmart, haciendo nan ultimo compranan prome cu 6’or di atardi.
