Chauffeur envolvi den un caso di hit & run deteni riba caminda grandi di Ponton. Segun informacion, e persona aki lo tabata coriendo masha malo mes riba caminda.
Esaki a sosode den careda di 4:10 am ora cu polis a bin topa cu ne riba caminda di Ponton. Aki a logra di par’e porfin. E tabata manera pal’i coco den biento, di un banda pa otro sin rumbo.
Polis a deten’e mesora y transport’e pa warda di polis. Por a tuma nota mesora cu e tabata fuertemente bou influencia.
