Sin duda un noticia sumamente alentado y positivo ayera ora cu Cuerpo Policial a ricibi autonan nobo pa sigui cu su servicio pa mantene orden publico y percura pa miho siguridad pa henter comunidad.
Un flota nobo di autonan nobo a wordo ricibi ayera tardi pa Minister di Husticia Bikker cual ta resultado di e maneho efectivo y positivo cu Gabinete Mike Eman a hiba den ocho aña den gobernacion di e pais.
Den un periodo caminda pueblo di Aruba solamente a wordo confronta cu continuo participacion- y decisionnan negativo di parti di gabinete Wever Croes, porfin un noticia sumamente agradabel no solamente pa Cuerpo Policial, pero pa henter Aruba cu introduccion di e autonan nobo aki.
Esaki ta resultado di e maneho hiba pa Gabinete Mike Eman I y II cu ainda ta dunando tremendo resultado cu ta sirbi e interes general y fuera di e autonan nobo pa polis, tambe Cuerpo di Bombero a ricibi dos siman atras un truck nobo pa amplia y mehora su servicio mientras cu tambe a yega un ambulance nobo cu ta otro logro mas di e maneho hiba pa gobierno di AVP.
Mientras cu gabinete Wever Croes ta sigui riba un expedicion negativo y poco alentador, tratando di impone riba pueblo un serie di medida pa cubri su incapacidad pa goberna informacionnan negativo, e maneho di gobierno di AVP ta sigui produci casi 200 dia despues cu gobierno nobo a sinta, cosnan positivo na interes di nos comunidad.
Ta un refleho concreto di tur loke gabinete Mike Eman I y II semper a presenta durante ocho aña di gobernacion, caminda semper a percura pa percura pa departamentonan esencial ricibi loke nan tin mester pa cumpli cu e demanda cu pueblo tin mester, tanto pa su proteccion como pa su cuido medico y otro necesidadnan.
Ta resultado di e maneho hiba pa ex Minister di Husticia Arthur Dowers y ta producto di decisionnan tuma na 2017 caminda a sigui traha manera semper a haci, pa brinda polisnan tur material necesario pa cumpli cu nan trabou pa sirbi comunidad.
E maneho hiba pa gobierno di AVP ta visibel den tur bario, den tur skina di nos isla, caminda a inverti pa drecha e calidad di bida di henter pueblo y ta inversionnan cu a wordo haci cu placa di pueblo cu ta bay bek pa pueblo manera mester ta.
