Diadomingo anochi alrededor di 11:00 pm polis a presenta den Jim Bluejacketstraat na San Nicolas pa un caso di tiramento. Ta na un Centro di Adicto, caminda cu un di e clientenan a conta cu e tabata canando bayendo direccion pariba y un auto color blanco a pasa y los tiro riba dje.
E auto ta un estilo di Nissan March y e glas no tabata getint. Polis a presenta y a tuma tur dato necesario p’asina contribui na e parti investigativo. A cuminsa un buskeda completo den e area pa wak si ta topa cu e auto aki, pero sin resultado. Tambe a busca tur caminda pa wak si ta topa cu huls. A notifica recherche y demas departamento nan concerni riba e caso aki.
