Ling & Sons, e supermercado local di confianza na Aruba a bin cu un iniciativa pa duna sosten na nos localnan y productonan local. Ling & Sons di e manera aki kier motiva y concientiza pueblo di Aruba riba e importancia di sostene otro durante e periodo dificil aki di Covid-19 cu nos tur ta pasando aden. Hunto nos por!
Pa nos por sostene otro Ling & Sons ta hasi un yamado na tur esnan cu ta produci of planta productonan di bon calidad. Di e manera aki Ling & Sons lo brinda e oportunidad pa por bende e productonan local aki den e supermerdado y promove nos productonan local.
Bo ta produci of planta productonan local di calidad? Nos kier yuda’bo. Tuma contacto cu Ling & Sons via [email protected] . Hunto nos por sostene otro y hiba Aruba padilanti. Ling & Sons Food Market tin horario temporal durante e Covid-19 crisis: Habri di Dialuna te cu Diasabra di 7:30 am- 7:30 pm. Diadomingo: Closed. Pa mas informacion bishita www.lingandsons.com of follow Ling & Sons via facebook of instagram.
