Lighting Parade ta un di e eventonan di carnaval cu mas ta yama atencion di e pueblo Carnavalesco. Y no solamente esey e turistanan tambe ta encanta cun’e. Un total di 11 grupo a participa den e parada, cu ta representa 46% menos cu aña pasa. TOB a resulta e grupo mas grandi mientras cu Chelo Loco esun mas chikito.
Champagne Carnival Group a habri e parada cu Art District, cu un total di 465 participante, compaña pa Tsunami. Sigui pa TOB Carnival Group, cu su Mystical Thailand. Un total di 550 participante a forma parti di e grupo compaña pa N’Fuzion.
Infinity Carnival Group a participa cu su Body Fantasy, cu un total di 150 participante. DLS a compaña e grupo aki. Despues a sigui Los Laga Bai Carnival Group, cu su Aruban Pharaohs. Un total di 400 persona a participa den e grupo y compaña pa Robert y su Solo Banda Show. Majestic Carnival Group a bay cu su Fthe Fute is Now, cu un total di 100 participante, compaña pa Youth Extreme.
Royal Carnival Group a bay cu Royal Casa de Papel, cu un total di 250 participante y compaña pa NBO. Dushi Carnival Group a participa cu Secrets of the Savana cu 100 participante y compaña pa Upgrade Music. Pink4Life Carnival Group, cu su Bad Dreams & Soca Demons, cu un total di 350 participate y naturalmente compaña pa Le Groove.
Empire Carnival Group a bin cu su Carnevale di Venezia, cu un total di 202 participante y compaña pa Buleria. Sigui pa OPC Carnival Group, cu su Cosmic Explotion, cu un total di 200 participante y compaña pa OREO.
Por ultimo Chelo Loco a bin cu Faya bo Haya cu 10 participante y compaña pa Friends & Family Steelband.
Mester bisa cu aña pa aña e Lighting Parade ta bira mas luhoso pero mas chikito y e publico presente a disfruta di un bunita parada yena cu ambiente.
