Management, staf y personal di Departamento di Aduana Aruba a felicita nan colega Lesly van Putten cu riba 15 di april 2021 a cumpli 35 aña di servicio den Departamento di Aduana. Den presencia di director di Aduana, miembro di gerencia y coleganan, a haci entrega di su decreto gubernamental y un regalo como recuerdo pa su 35 aña di servicio.
Durante 35 aña, van Putten a desplega un carera ehemplar y a sa di “go the extra mile” pa aporta positivamente na e departamento.
E organisacion ta gradici Lesly van Putten pa e lealtad, desempeño y bon boluntad. Tanto staf y personal ta dese’e hopi exito, perseverancia y sabiduria.
