Ciudadano preocupa: Pandemia a trece hopi manipulacion

Carlos Adrian Rodriguez ta un ciudadano preocupa y ta conta di su mal contento riba AZV. E tin cu paga pa su recetanan. El a papia pa tur e vulnerabelnan, esta e hendenan grandi y cu ta cay parti di su famia cu mester paga pa nan remedinan.

Ta trata aki di hendenan pensionado, por ehempel su mama, kende ta un viuda y pensionado. Con e ta bay haci pa paga pa su remedinan, e ta cuestiona.

Rodriguez: “Unda nos ta bayendo cu tur e cosnan ki.” E ta biba riba FASE y e ta sin trabao. E ta lucha pa bida. E ta conta cu el a bay botica pa busca su remedinan. Eynan nan ta bis’e cu e no por haya su remedinan mas via AZV, pasobra no ta cubri nan. Awo e tin cu paga pa su remedinan.

Ciudadano preocupa: Pandemia a trece hopi manipulacion

Ciudadano preocupa: Pandemia a trece hopi manipulacion

Posted by 24ora on Friday, April 16, 2021

E ta enfatisa cu e no tin trabao. E y su famia no tin manera pa biba. Di baina loke e ta haya fo’i FASE, tin tres boca pa cria. E tin su yiu, algo pa duna su mama y e mes. Actualmente su mama tabata haya cuminda di Fundacion Pa Nos Comunidad. Awo nan a kit’e y awo ta loke Rodriguez ta haya di FASE e tin cu aporta.

Normalmente e ta yud’e. Fuera di esey e tin cu duna placa na su yiu chikito. E mes, cu tin un problema di salud, no por haya su pildo. Diahuebs e no por a drumi, debi cu e no por a paga pa su remedinan.

Imagina con e hende grandinan cu tin un tiki pensioen pa paga costo di bida den e pandemia aki. Con nan ta bay paga pa e remedinan. Rodriguez ta papia pa su mama, su tanta y tur e hendenan grandi. No ta tur tin e placa cu por biba y cumpra remedi. Rodriguez ta puntra su mes, si e drenta den un Chines y coy algo, e ta sigur e lo tin 30 dia cera.

Pero loke e ta mira ta pasa, ta e mal contento cu tin actualmente, cu tin yen di corupcion den gobierno.

Hasta minister ta baha pa motibo di corupcion. No ta cera nan. Pero e homber chikito cu mishi cu algo inofensivo, ta cer’e. Loke cu Rodriguez ta pidi un tiki consideracion, mirando cu e por a tende ministernan ta papia riba hendenan grandi cu tin cu atende nan prome. Pa e grandinan e ta papia p’e y un tiki p’e mes.

E pandemia aki a trece hopi manipulacion y protocolnan cu no mester a pasa pa e grandinan. Hopi no tin manera di biba. Rodriguez, su mama y su tanta ta lucha. Y tin hopi mas cu no ta su famia, tambe cu ta ser humano, ta lucha. Hopi storia el a bin tende. 

Un conoci di dje a coment’e cu si e no tin carchi di AZV, e tin cu paga. Segun Rodriguez ta cuestiona di unda tur e tipo di cosnan aki ta bin. Manera cu e ta wak, gobierno a coy cos aki aya. Na Aruba, e pobernan tin cu wanta tur e slanan pa gobierno. Nan ta papia bunita na ultimo momento. “Unda e pal’i muhe a keda awo?” Rodriguez ta puntra. “E cos aki a bin den nos contra. Esaki ta nos danki?,” e ta puntra.

Rodriguez no tin manera ningun caminda, pasobra e sa cu e no lo logra haya sosten, fuera di FASE. Loke e por haci ta duna pueblo su bos y di e grandinan, cual ta su mama, su tanta y otronan cu tampoco no por. E ta nan bos, e ta papia pa nan. No ta importa loke cu gobierno pensa di dje. E ta lucha duro pa e biba y ta asina Rodriguez ta sinti. E ta sinti mescos cu e vulnerabelnan. Pero e por move un tiki, pero toch, no tin tampoco mucho pa por move. E ta puntra su mes kico ta bay haci cu e situacion.