Club di dam Arowak, ta bay start cu su lesnan di dam atrobe diamars awor día 17 di
September. Den vakantie grandi e club di dam na Nieuwstraat 11, a wordo renoba y nos a haja un airco nobo.

E lesnan ta pa tur edad. Promer lo haja teoría y después por praktica loqual a haja den teoría
hungando un wega cu esunan presente. Dam ta un bon vitamina pa bo mente. Muchanan ta
sinja concentra mihor. Esaki por mehora nan prestación na skol. Usando bo mente
continuamente lo por juda bo evita e maleza di Alzheimer.

E lesnan lo wordo duna tur diamars entre 5:00 y 7:00pm den nos clubhuis na Nieuwstraat 11,
Oranjestad. Esaki ta sitúa den caya grandi otro banda di Botica Oduber riba e pleinchi unda e
tram ta lora back. Pa mas informacion, por tuma contacto telefónicamente cu e siguiente numbernan. 594-6917 of 569-6471

Comments

comments