Diamars 10 di september 2019 Maria College MAVO a organisa un anochi informativo pa tur mayor di Ciclo Basico 1. E tema tawata: ‘The teenage of this age’.

E anochi aki e mayornan a haya diferente informacion y conseho pa nan por compronde y asina guia nan yiunan na un miho manera. Como orador nos tawatin Señor James Sneek, kende ta un criminologo y director di Telefon pa Hubentud. Sr. Sneek a trata e temanan norma y balor y ‘puberbrein’.

Aki e mayornan por a haya hopi informacion con e cerebro di e hoben ta hinca den otro y con importante e norma y balornan ta pa e desaroyo di e mucha.

Tambe nos tawatin como invitado Sra. Swinda Dumfries, un ortopedagogo y coordinadora di e team di Gezonde School Adviseurs na Directie Volksgezondheid den e departamento Jeugdgezondheidszorg. Sra. Swinda a elabora riba con pa yuda e hobennan pa defende nan mes adecuadamente y resisti tur cos cu ta afecta nan desaroyo.

Na final di e anochi aki e mayornan por a haci diferente pregunta na nos panelistanan invita. Banda di nos dos oradornan, nos tawatin Sra. Shaska Kock, representando Departamento di Asuntonan Social, Roxana Paula, representando Departamento di Cuido di SKOA, Gwendeline Tromp, representando Departamento di Enseñansa Obligatorio y Corina Lindse, representando Tienda di Educacion.

Maria College MAVO kier gradici tur nos mayornan di CB-1, e maestronan, e invitadonan, nos alumnonan cu a participa den un tremendo sketch durante e charla di Sra. Dumfries y e tecnico di Cas di Cultura cu a yuda nos durante e anochi informativo aki pa asina haci di e anochi aki uno exitoso.

We Are Beacause of You

Comments

comments