Djabièrne 17 ougùstùs i djasabra 18 ougùstùs ta bai tin e Lansamentu di Fig Tree Training Institute na Kòrsou ku un konferensia titulá: ‘The New Man-How to step into a God-fashioned, renewed life’ ku lo tuma lugá na WTC.
Fig Tree Training Institute a wòrdu fundá dor di Caroline van Romondt. Sra van Romondt a studia na Seminario na Kanada i tin un Master den Konsehería Bíbliko. Despues di su estudio, Sra van Romondt a establesé su mes na su isla natal i ta trahando komo konsehero, konferensista i tambe ta duna charla i kurso riba e tópiko di konseheria aki na Kòrsou i den eksterior.
E meta di Fig Tree Training Institute ta pa proveé kurso, tayer i konferensia segun e nesesidat i asina duna e “care-giver” hèrmènt nesesario pa ehersé su trabou na un manera mas efektivo.
E Konferensia ta tuma lugá na WTC. Fecha di e konferensia ta djabièrne 17 ougùstùs 18:30-21:00 i djasabra 18 ougustus 8:30 AM – 15:00 Lunch ta inkluí. Lo ta bai ta dos dia yen, yen di bendishon ku lo trese e transformashon ku bo tabata spera den bo bida i den bo trabou ku hende. Lo bai tin oradornan for di Merka: Dr Tom Fortson ex presidente i CEO di “The Promise Keepers”, un ministerio pa hende hòmber ku ya a impaktá i transformá bida di mas di 7 mion hende hòmber. Randolph Mercelita, un yu di Kòrsou bibá na Merka ku un trayektoria largo i un ministerio eksitoso bou di Latinonan na Merka. Ed i Luisette Kraal, un pareha dinamiko di Kòrsou ku ta studiando i ministrando na Moody Bible Institute na Chicago.
E Konferensia aki ta spesialmente pa pastornan i lidernan; Hende hòmber i muher! Si bo ta un sirbidó ku ta gusta sirbi i yuda hende – e konferensia aki ta pa bo. Lo tin tayer spesifikamente pa hende hòmber i pa hende muhe.
Karchi na balor di fl 75 pa persona of fl 100 pa pareha. Registrá awe mes na www.figtreetraining.org òf yama tel. 510-6927 òf 523-7777.
