E delegacion di landamento artistico a bolbe Aruba hopi satisfecho di nan participacion den e competencia di landamento artistico den Carifta Games 2024.
Campeonato Carifta ta campeonato cu tin di haber cu landamento y a tuma luga na Bahamas. Sinembargo e parti di competencia mester a muda pa Fort Lauderdale debi cu na Bahams no tin un piscina cu ta cumpli cu e specificacionnan di un campeonato asina, manera largura y profundidad. Esey ta motibo cu henter e parti artistico a tuma luga na Fort Lauderdale, Miami.
Tawata tin 3 categoria Junior cu 6 participante hubenil cu 2 y infantil cu 7, e team a trece 30 medaya cu participacion di Canada, Merca, Jamaica, Ecuador cu tawata pais bishitante, islas Virgen y Aruba.
E seleccion di Aruba e aña’ki lo participa den varios campeonato di nivel halto, manera Panamericano, Mundial Juniro cu lo ta na Colombia. E idea ta cu e resultadonan aki aki ta brinda nan e espacio pa partiticipa den campeonatonan di mayor nivel pa nan por crece como deporte y den resultadonan.
Mora ta gradici na mayornan di e muchanan pa nan sosten y apoyo y ta probecha pa gradici y tene un poco mas apoyo di gobierno pa por participa na nivel internacional.
ARTISTIC SWIMMING
E damitanan di landamento artistico cu a competi na Carifta y Invitational y a gana 23 medaya di oro en total cual a demostra un dominio pa loke ta e deporte acuatico aki den Caribe. Pa hopi aña caba, Aruba su landadonan artistico ta conoci pa domina e competencia aki den Caribe. Pa nos resumi.
E categorianan di 12&under
Carifta: 4 Oro
Invitational: 4 Oro – 1 Brons
Youth
Carifta: 3 Oro – 1 Plata
Invitational: 3 Oro – 1 Plata
Junior
Carifta: 6 Oro
Invitational: 3 Oro – 4 Plata
Carifta medals: 14
Invitational medals: 16
Pa un total di 30 medaya den e parti aki.