Diasabra atardi a bati alarma pa un caso serio na Boca Mahos. Turistanan a yega na e pool natural masha bishita na Boca Mahos. Nan tabata cu tour cu un compania di UTV.
Despues di disfruta, a prepara pa sali. Canando pa subi trapi a bin un ola traicionero cu ningun a spera of mira. A dal den dos pareha y pega nan den baranca. Danki Dios e ola no a lastra nan bay cu nan den e lama bruto.
Cuater persona a keda herida cu rasca y cortanan cu tabata sangra. Polis y dos ambulance a yega. A atende cu ambos pareha y bay cu nan hospital.
E manager di e compania di tour tambe a presenta pa tuma nota di e situacion di su clientenan turista herida. Lama ta traicionero y diasabra a causa un daño serio na e turistanan.
