Trahadonan di Dijtham ta activo y atento, mirando cu ta tur dia awo nan ta vigilando rond, mirando cu den varios ocasion nan ta wordo bishita pa ladron. Awe mainta, esta diaranson, ora cu nan a bay haci nan control, nan a bin ripara un buraco traha den e cura di waya y cu mirando cu nan no por logra drenta Dijtham, nan a purba di drenta Economy. Di un manera of otro, nan no a sigui cu nan fechoria y nan a baha na awa. E trahadonan, mirando esaki, a pone nan bisiña na altura di loke a pasa. Esaki ta un bon trabao di parti di e trahadonan, cu a haci todo por todo pa preveni cu nan luganan ta wordo invadi door di hendenan indesea.
