Diabierna mainta, doño di un tereno den Flacciusstraat a bati alarma pasobra ladron a bin horta riba su tereno. Net e ta pasando a bin topa cu un pickup cu ta pertenece na hende di Sweelinkstraat.
A yama polis y na momento cu nan a yega, e personanan ta conta polis cu nan tin e tereno ey y nan tin e cera cu mata cu nan a corta di kwihi, pa asina evita cu hende ta subi riba e tereno y benta sushi, pasobra nan ta bay construi riba e tereno aki.
Ta riba e crusada di Flacciusstraat y Weststraat. Ora cu nan a yega y haya dos homber den un pickup double cabine, ta coy troncon di mat’i kwihi cu tabata riba e tereno sin su permiso. Ora cu el a bay atende cu nan, e hombernan kier a lanta cu ne y hasta despues manda auto riba dje.
E persona a duna number di e auto y a yega n’e adres, hayando e dos hombernan ta baha e tronconnan for di e pickup. Polis a atende cu nan, a tuma tur nan informacion. Otro polis a bay n’e adres den Flacciusstraat/Weststraat riba e tereno. A haya un splicacion riba loke a sosode. Ta straño cu por zona, pero polis a bisa e hendenan cu door cu e tereno ta habri, no por haci hopi cos. Mester cera e tereno.
Den un decir no por nada riba e tereno pasobra e no ta cera. No por drenta tereno di hende coy cos bay cu ne y esey ta netamente loke e personanan aki a haci.
Doño di e tereno a bisa cu e biaha aki no lo haci denuncia y laga nan keda cu e tronconnan cu ta su propiedad. El a yega di perde hopi mas troncon di mata y ta sospecha cu ta e mesun hendenan aki. Segun bisiñanan ta e mesun tipo di auto aki a bin busca e tronconnan. E no por confirma esey, pero ta bisiñanan a cont’e.
