E boto Jehova cu a wordo gara siman pasa pa Kustwacht tabata tin mas cos cu nan mester duna cuenta riba dje. E boto a wordo gara na e area pabou di Aruba. Durante dia e personal di Kustwacht a sorpresa e boto poco pabou di Westpunt. Un total di seis persona tabata abordo.
Nan a admiti di ta biniendo Aruba pa motibonan economico na Venezuela. A haya varios tanki di gasolin den e boto. Durante proceso a bin ripara tambe cu den un di e tankinan tabata tin mas cos. A mira cu e tanki tabata manera corta y den dje yen di paña lora y poni of stiwa banda di otro. Haciendo investigacion mas profundo a resulta cu e pañanan aki a reacciona positivo riba droga.
E pañanan aki a wordo pasa den droga of awa di droga. Asina nan a chupa e droga y di e forma aki kier a drenta cune Aruba. Asina cu e yega du destino nan tin manera pa logra saca e droga atrobe for di e pañanan. Aki por mira cu ademas di mensen handel y mensen smokkel tin tambe e parti di drugs smokkel den wega. Cu e dobel a hayazgo aki ta prueba un biaha mas cu personal di kustwacht ta keda haci nan trabou incansablemente pa evita tur ilegalidad yega nos isla.
