Awe den oranan di mainta un biaha mas Kustwacht di Aruba a score den e trabou cu nan a bin ta desplegando. E biaha’ki tabata trata di Venezolanonan cu tabata piscando den awa teritorial di Aruba.
Segun informacion cu 24ora.com a ricibi, pa 7.30 di mainta a visualisa algo den awa teritorial di Aruba, pazuid di Aruba, ora cu e metalshark mesora a sali direccion di e area pazuid di Aruba.
E aparatonan riba e nave ta mustra cu e hendenan aki tabata piscando na 1.5 miyon den awanan teritorial di Aruba.
Yegando cerca, nan a bin constata cu tabata trata di e boto Venezolano cu ta nabega bou di e nomber Ali Primera. Abordo tabatin cuatro (4) homber. No tabata trata di hendenan cu kier a drenta Aruba di forma ilegal, pero si nan tabata piscando di un forma ilegal, den awanan teritorial di Aruba.
Na momento cu a yega cerca, personal di Kustwacht a mira cu nan tabata tirando reda. Nan a consulta cu Ministerio Publico cu a duna ordo pa confisca e reda y cual lo wordo destrui despues.
Tanto e boto como e tripulacion por a bay Venezuela bek.
A haya nan net na tempo pasobra nan no tabatin pisca abordo ainda. Pero si cu e accion aki a evita cu nan ta bay cu piscanan for di awanan di Aruba.
