Awe ta celebra dia mundial di cancer. Alabes Koningin Wilhelmina Kankerfonds (KWF) ta celebrando su di 58 aniversario.
Lilly Prins, di KWF, a splica riba e mesun dia aki, esaki a bira e dia oficial di cancer mundial, cu a cuadra cu e fecha cu e Fundacion ta cumpliendo 58 aniversario. Ta para keto un momento y puntra unda nos ta bay awor aki. Na porta di ken e malesa aki no ta toca.
E ta un malesa cu ta hopi duro. Sinembargo e lema di “Wereld kanker onderzoek fonds” di Hulanda, cu kende KWF ta traha hopi di cerca, awe nan tin e lema “Kanker draag je niet alleen”, bo no ta carga cancer bo so.
Ora bo mira cu bo ta malo, pero bo tin cu mira rond dibo, cuanto hende bo tin, bo famianan, bo sernan keri, ta hunto cubo. P’esey awe ta pone un enfasis Wilhelminafonds, ta pidi bo. Cuida bo curpa y sea conciente. Ora cu bo sinti algo, bay dokter y busca hopi bon drechi, si den bo famia tabata tin cancer.
Hopi biaha e bieunan ta scond’e. Pero e realidad ta cu nos tin cu enfrenta e malesa aki, pasobra tin biaha bo ta hered’e y bo no sa. Si bo ta sinti algo, acudi cerca bo dokter na tempo, pa bo por wordo trata tambe na tempo.
E color
Den e oficina di KWF, e ta color roos. Hopi biaha tin pega tur e protesisnan. Cancer di pecho ta e cancer cu mas a impacta den mundo y naturalmente cu awor aki tin cu para keto y mira cu asina tanto sorto di cancer cu tin. Ta bisa cu mas di 7 sorto di cancer. E ora eynan naturalmente e color lila, ta e color di cancer mes.
Cura
Segun Prins, por tin cura. Ta wak e parti positivo di dje, cu tin cura. Tin cu cambia full bo estilo di bida y bo no por haci’e na momento cu el a bati na bo porta. Awendia tin tanto cos cu ta bin riba mercado. Pero bo tin cu wak kico bo ta uza tambe.
Antes no tabata tende di e malesa aki, manera cu ta tende di dje awendia. Loke cu nos ta mira con nos a biba antes, no tabata tin tanto cosnan friu cu bo ta bebe. Ora cu bo ta bebe un awa, ta yen’e cu bloki di ijs. Nos por corda tempo di purun, con awa tabata fresco y dushi. Nos tabata come hopi cos di tera.
Pero e fertilisantenan cu tabata usa e tempo ey, ta cosnan cu bo no kier duna hende miedo. Pero ta bisa wak atras, ta mira con tabata cultiva e cosnan aki. Hende tabata biba hopi y sin un malesa feroz manera cancer.
Reconocimento
Na e momento aki, comunidad Arubano a crece hopi y ta mira cu tin mas hopi hende malo. Pero danki na Dios, comunidad ta contesta. Ta gradici Dios tur dia, cu despues di Dios, tin e comunidad Arubano tin e fundacion riba pia. Danki na cada comerciante y fundacion, cu ta pone man riba nan curason y ta yuda KWF. No ta bay tur dia cerca nan, pero tin cierto temporada cu ta bati na porta di un comerciante y na comunidad pa duna e aporte. E aporte cu bo ta duna, bo mes no tin un idea cuanto hende bo por yuda.
Si aña pasa, pashentnan cu a cuida na cas a yega te 177, por imagina di unda e gasto aki ta bay yega. KWF no ta cobra nada. Tur loke cu KWF ta haci ta gratuito pa e comunidad. Pero tin hende cu ta traha cu si, bo tin cu reconoce nan trabao y paga nan. E enfermeranan, ta bisa cu nan ta haya algo pasobra nan gasolin, nan tempo, tur esey tin cu reconoce. Pero danki Dios y tambe na e comunidad, cu awe ta ta bisa cu e fundacion aki ta existi y ta yuda esnan cu ta yega na porta gratuitamente, pero danki na e sosten cu tin.
