Kiwanis Club of San Nicolas (“KCSN”) a tene su di dos “KCSN Kids Summer Camp” pa mucha na Teresita Center den augustus. Un camp organisa tur aña pa mucha entre 6 cu 12 aña.
E camp aki tabata uno exitoso y masha gusta door di e muchanan. Tabata tin hopi boluntario cu a yuda pa supervisa y guia e muchanan durante e dianan di e camp. Tur boluntario a pasa un training pa asina por a sa di guia y yuda e muchanan durante e camp.
– Dia un tabata dia di Arte y Creatividad, unda cu e muchanan por a presenta nan obra di man den forma di ‘Show & Tell’ riba stage pa asina tambe siña con pa duna presentacion y papia den publico.
– Dia 2 tabata dia di Musica y Baile, unda cu e muchanan por a siña composita nan cantica, siña canta y baila pa asina expresa nan mes
– Dia 3 tabata dia di Deporte, unda cu e muchanan a bay Joe Laveist Sport Park pa diferente wega y ehercicio pa e muchanan keda activo y siña e importancia di un bida saludabel y activo den deporte.
– Dia 4 tabata Movies & Graduation day, unda e muchanan por a disfruta di un pelicula di mucha nobo, por a disfruta y celebra cu nan a gradua di e camp educativo y dibertido aki.
KCSN ta enfoca riba educacion y liderazgo di nos mucha- y hobennan pa asina nan por surpasa cualkier obstaculo cu nan por topa cu ne y duna nan e hermentnan necesario pa por sobresali den nos comunidad den futuro. Kiwanis Club of San Nicolas kier a extende su palabra di gradicimento na tur e boluntarionan cu a duna un siman di nan vakantie pa asina por a dedica na e muchanan.
Tambe kier a gradici CEDE Aruba cu a yuda haci e camp aki posibel pa asina e muchanan aki por a haya e oportunidad di a bay un camp, cual pa hopi di e muchanan tabata nan prome biaha. Kiwanis Club of San Nicolas lo sigui brinda comunidad, specialmente nos muchanan, e oportunidad aki den futuro.
