Kiwanis Club of San Nicolas (KCSN) a instala su Directiva nobo pa e Aña Kiwanistiko 2026–2027, bou di liderazgo di Presidente Artaiza Fräser y cu “BELIEVE” como lema pa e aña aki.
“BELIEVE no ta trata di ignora realidad, sino di no laga loke ta, determina tur loke ainda por ta posibel.” Cu e lema aki, KCSN kier stimula su miembronan & comunidad pa keda curioso, sigui siña y crece, y keda challenge nan propio manera di pensa pa keda mehora como persona & como club.
Diasabra, durante e anochi di ceremonia di cambio di Directiva, KCSN a tuma momento tambe pa gradici Presidente saliente Deborah van den Berg-Alexander y Directiva 2025–2026 pa nan liderazgo, dedicacion y servicio durante nan aña bou di lema “Step It Up.”
A honra varios miembro tambe pa nan contribucion, dedicacion y impacto durante e aña pasa, entre nan Evola Vlaun, Jennyfer Geerman, Shawn Gordon, Jean-Pierre Solognier & Netera Brown.
Cu su directiva nobo instala, Kiwanis Club of San Nicolas ta cuminsa un aña nobo cu e reto pa kere den loke ta posibel—den nos mes, den otro, den nos Club y den e comunidad cu nos ta sirbi. Pasobra prome cu nos por crea algo mas grandi, nos mester kere cu e ta posibel.
Directiva di Kiwanis Club of San Nicolas 2026-2027:
- Presidente: Artaiza Fräser
- Vice-Presidente: Jean-Pierre Solognier
- Secretaria: Evola Vlaun
- Tesorero: Franklin Hoevertsz Jr.
- Director Youth & Children: Jasmin Rasmijn-Laclé
- Director Fundraising: Shawn Gordon
- Director PR & Branding: Netera Brown
- Director Community & Programs: Mirscha Winterdal
- Director Membership & Retention: Jumira Spier
- Immediate Past President: Deborah van den Berg-Alexander
