Awe mainta a sigui vacuna hende na Centro Libertador Betico Croes. Pero diripiente a surgi un situacion na momento c’un ciudadano a bay vacuna. Esaki a pasa despues cu el a haya su vacuna.
E ciudadano a cuminsa sinti su mes no mucho bon y na dado momento el a cay flauw. Di biaha e team medico presente a bay den accion y a cuminsa dun’e e asistencia necesario. A haci diferente pregunta, di cual el a contesta.
A bin haya sa cu e persona no a come prome cu el a bay vacuna. El a sigui splica nan cu e tabatin yen di nervio. Na momento cu a logra stabilisa e homber y confirma cu e tabata sinti su curpa miho, e por a bay trankil.
Pa e situacion aki no bolbe pasa, DVG ta recorda tur hende cu no mester keda sin come pa bay vacuna. Ta importante cu tur hende come bon durante dia, prome cu vacuna.
