“E tabata un biahe maraviyoso, un isla bunita y hendenan amabel,” Kathy (52) y Rodney (53) for di Pennsylvania, Merca, a bisa riba nan biahe di 35 aniversario di casamento pa Aruba. Esaki ta prome biaha cu nan ta aki, asina ta, e carpinte y e gerente di oficina (doño di nan propio negoshi) a uza Google pa haya un bon restaurant unda nan lo kier a bay pa dinner. Nan escogencia tabata Tango Argentine Grill, unda cu inicialmente nan a bin pa e Early Bird Special, pero a caba den ordo e Lobster Special pa dos. “Mi a disfruta di e variedad riba e menu y e platonan gluten-conscious,” un Kathy alegre a bisa. “E waiter tabata hopi conciente riba e ingredientenan den e cuminda. Esey ta yuda hopi ora bo tin cierto preferencia culinario.”
Kathy y Rodney a disfruta di nan dinner na Tango masha hopi mes.
