Diamars anochi alrededor di 9:20 pm a sosode un accidente riba e caminda di Tanki Leendert, net poco panort di rotonde Acero, na altura di Cadushi Supermarket.
Ta trata di un ciclista riba un bais electronico cu segun testigo, tabata un auto cu a pasa mucho cerca di e ciclista cual a pone cu el a perde balans y bay suela. E sla ricibi tabata fuerte,ya cu el a cay basta duro cu consecuencia cu el a bay for di tino y ricibi un kap profundo na su cabes.
Na yegada di polis a pidi mesora pa cera ambos band’i caminda p’asina atende libremente cu e accidente aki. Ambulance tambe a presenta den un rato di ora. Na prome instante e cicilista a nenga di bay cu ambulance, mirando cu e tabata mas preocupa pa su bais y no pa su salud. E polisnan a convenc’e y na final a hib’e pa hospital p’e ricibi atencion medico mucho mas avansa.
