Diasabra Ban Caya, organisa pa CEDE Aruba, a cuminsa pa exactamente 4:00 PM na Joe Laveist Sport Park.
E evento tabata uno basta amplio pa e pueblo por a disfruta di esaki y entretenimento pa e muchanan cu a yega na e sitio pa pasa un rato agradabel. E evento a sigui te 08:00 PM cu Ataniro riba escenario.
A mira berdaderamente con e pueblo a uni cu otro durante un par di ora haciendo deporte of entretene nan mes. Hasta a haya chens pa haya informacion di algun fundacion, si tabata desea esaki.
A cera henter un caya unda cu CEDE Aruba dorna na banda cu tentnan di entretenimento y cuminda tipico di San Nicolas y resto di Aruba. Tabatin show di baile tambe. Tanto mucha como adulto a haya chens pa sobresali durante e evento. Y otronan a probecha pa mustra nan talento, pintando, cu ta un forma pa relaha.
Anfitrion di e evento tabata Centro di Bario Lago Heights y Centro di Bario Brazil a haya chens di mustra cual ta e tipo di actividadnan cu por haya na e centronan.
