Diahuebs 13 di Juni e delegacion di JTG (Jong Talenten Groep) Raddraaiers ta sali rumbo pa Colombia pa representa Aruba durante e tercer International Gymnastics Cup Medellín 2019.
E delegacion ta consisti di coach Pamela Flanegien-Postuma, coach Sacha Uiterwijk, en 9 turnsters ; Anaël Misiedjan, Shanté Mardenborough, Noemie Erasmus, Angelique Ras, Dy-Shanely Courtar, Wiep Saris, Kyra Mac-Jannet, Alana Angela y Elise Erasmus .
JTG Raddraaiers lo ta representando Aruba den 3 diferente nivel di gymnasia artistica: USAG level 2, 3 y 4. E atletanan a train hopi duro pa asina duna nan maximo esfuerso durante e competencia internacional.
Danki na tur sponsors, famia y comunidad Arubano cu a haci esaki posibel.
Nos ta desea nos atletanan di JTG Raddraaiers hopi exito.
