Aunke tin parlamentario a indica cu e situacion no ta dje alarmante ey. Tur dia tin diferente caso di joyriding tumando luga. Un asina yama ‘high season’ of racha di ladronicia, tanto di brommer como di auto. Awe tardi a bin topa cu un mas. Un cacho a alerta su doño cu tin algo pasando un poco mas dilanti di su cas. A pidi presencia di polis mesora pa bin mira si ta trata di algo procedente di joyriding.
E habitante a sali pafo y a bay tira un bista den e mondi dilanti su cas. Un poco mas paden di e mondi el a ripara cu tin un tipo di entrada y asina a drenta memey di tur e matanan.
Pa su sorpresa el a bin haya un scooter bon scondi laga atras. Mesora el a yama polis, cu a presenta y pidi asistencia di colega di departamento forensico. Esaki a tuma luga den careda di 1:00 pm den area di Hato.
BFTO (Bureau Forensisch Technisch Onderzoek) a bin pa tuma nota y asina cuminsa e investigacion. Takelwagen tambe a keda yama pa asina bin busca manera pa saca e scooter for di mondi ey y hiba esaki warda di polis. E manera con e scooter tabata scondi ni helicopter di polis lo no por a mir’e. E sitio ta net despues di Aruba Aloe, den un caminda di santo bay abou. Hasta un borchi tin ” No mag di tira sushi akiden”.
