Coredo di brommer di careda, Jayson Geerman, pronto lo representa Aruba na Merca. Pa esaki e ta buscando sosten di comercio, pasobra e falta fondo.
Jayson Geerman, di Destroyer Racing, a splica cu e ta na caminda p’e XDA (Xtreme Dragbike Association) cu ta cuminsa dentro di dos siman, esta 19-20-21, na Maryland. E aña aki nan tin seis careda pa competi den dje, cual ta e temporada completo, esta Maryland y Virginia.
Nan ta logra e meta aki cu sosten di tur esunnan cu a yuda na un manera of otro. Pa un competencia n’e nivel aki den exterior no ta un of dos florin, pero ta hopi placa y asina mes e ta positivo cu nan lo logra.
Geerman ainda falta fondo y el a bisa pa core afo no ta algo facil, pasobra e ta costa hopi placa. Ainda e ta buscando sponsor, e por ta ken cu ta, un compania cu por beneficia di e turistanan cu ta bin. El a indica cu na Merca hopi turista ta acerca nan pa puntra di Aruba. E ta kere cu si ta haya sosten di un AirBNB, hotel, restaurant, y cu Destroyer Racing por yuda cu e parti di promocion, Geerman ta sigur cu e lo bira algo interesante pa nan tur.
Pa mas lesa TREMPAN.COM.
