Campeonato HEINEKEN fast pitch di Aruba Softball Bond dedica na dos baluarte Jacobo Jansen y Gilbert “Nando” Maduro a continua riba canchanan na Pos Chiquito.
Royal Power Tat Fat Home Depot kende a clasifica 16-0 na promer lugar a inicia su serie di best out of 3 contra Macuarima Spark Elektra kendenan a termina campeonato na di dos lugar cu 9 victoria y 7 derota. Jair Thompson por mira atras riba su mihor performance di aña cu un tremendo dominio y control propinando 12 ponche pa asina seya e victoria riba si nomber.
Jair a bay completo enfrentando 16 bateador tirando 27 bola, 45 strike pa un total di 72 lansamento no ta permiti careda tampoko hit y ta regala solamente 1 base por bola. Aaron Dominguez, Jermain Ras, Wilmer Geerman, Joshue Leañez, Revelino Silie y Zefrinthian Kerr tur a bay cas cu un ponche mientras Michael Fingal, Edgar Flanegin y Javier Croes tabata victima di 2 ponche cada un.Juan Chirino a enfrenta 23 bateador y ta lansa 70 pitch permitiendo 7 careda, 8 hit ponchando solamente un bateador y ta regala 5 base por bola y ta bay cas cu e derota. Royal Power 7 careda, 8 hit, 0 error y ta laga 4 coredor na base. Macuarima 0 careda, 0 hit, 0 error y ta laga 1 coredor den circulacion.
Bateadornan cu a destaca pa Royal Power ta Edmar “Macho” Tromp y Jomark Flanegin ambos di 2-2, Guyon Cannister 2-1 cu 2 rbi, Giandrick Lacle 2-2 cu 4 careda impuha. Weganan di Play Off ta continua dialuna, diamars y diaranson awor na veldnan na Pos Chiquito. Bin apoya Bo equipo preferi. Softball AA den su recta final.
