Gobierno di Italia a aproba e medida mas estricto contra COVID na mundo diahuebs. Awo ta obligatorio pa tur trahado mustra un prueba di vacunacion, un resultado di test negativo of un recuperacion recien di un infeccion di Covid-19. Ta trata aki di un “Green Pass” of un carchi berde sea di papel of digital, cu lo contene e informacion aki.
E regla nobo lo drenta na vigor dia 15 di october, den un ultimo esfuerso di e coalicion di e prome minister Mario Draghi, pa purba persuadi e ciudadanonan pa vacuna y mitiga e contagio den un di e paisnan mas afecta pa e virus di Covid-19.
Lo suspende cualkier trahado cu no presenta un certificado sanitario valido sin pago, pero no por kit’e for di trabou. Esunnan cu ignora e decreto y bay traha a pesar di esaki, lo ricibi un boet di entre 600 pa 1.500 euro.
Pa cobertura mas amplio lesa edicion di TREMPAN mañan.
