Durante e conferencia di prensa di dr. Horacio Oduber Hospital diamars, un di e temanan cu a atende ta esun di e variante Britanico cu ta na Aruba, cual, segun intensivista drs. Bert Rodenburg a splica, ta cu e ta haci hende mas malo ainda. Pero no por proba esaki, segun Rodenburg.
Na mundo por mira cu e variante Britanico ta conoci, cu ta haci pashentnan mas malo. Sa di e pruebanan cu a haci, cu 50% den e ultimo simannan a haya e variante Britanico, cual ta hopi.
Tin hende cu a haya esaki na Aruba. Por a saca afo cu mas of menos mita di esunnan cu COVID-19 cu ta circula na Aruba, ta di e variante Britanico. Por mira otro caminda na mundo cu e variante aki ta haci hende mas malo, manera menciona anteriormente. Probablemente esey lo ta motibo cu a atende pashentnan door di dificultad di hala rosea durante e di dos ola y por ta esey ta motibo di e mortalidad halto durante luna di februari. E tempo ey no por a compronde esey. Esey ta algo cu ta hopi importante y tambe pa motibo cu e medidanan cu a tuma anteriormente, no ta suficiente. E variante aki ta mas agresivo y ta plama mas lihe. Ta
medidanan mas severo cu a tuma pa esaki. Por ultimo e profesional a menciona cu esaki ta e mesun Coronavirus compara cu september di aña pasa.
