Inglatera a golea un fragil Panama pa seya su clasificacion na octavonan di final y resolve Grupo G, pasobra e resultado a duna e pase na Belgica, eliminando Panama y Tunisia.
Ingles y Belganan lo hunga awo pa e liderato di e grupo.
E Pross a bolbe demostra su eficancia den wega di bala. Di e 6 tantonan, 2 tabata di penal, otro den un sake di skina y e otro den un liber indirecto. Y e Canaleronan, kendenan tabata sa cu solamente mehorando nan punteria, lo tabata tina lgun opcion den e partido, a bin abao tras di a faya den e dos promenan y mira con Inglatera a responde na e intentonan cu su dos prome golnan.
John Stones a termina cu un doblete, y Harry Kane, cu dos tanto di penal y otro den un rebote, a firma e di dos triplete di e Copa Mundial di FIFA 2018 aki. E capitan Ingles ya ta suma 5 gol den 2 partido.
Apesar di e goleada, Panama a haci historia na celebra su prome gol den un mundial. Un bon remate di Felipe Baloy, kende a pone 6-1 final.
Foto: FIFA©
