Duranta un control na Palm Beach a haci detencion di otro indocumenta riba nos isla. Hopi indocumenta of ilegal ta core rond cu auto y sin rijbewijs. Hopi ilegal ta envolvi den accidente casi diariamente y sin rijbewijs valido y automaticamente seguro no ta cubri. Den e caso specifico aki a haci un control riba caminda pa un Volkswagen Beetle.
Net riba e caminda pariba di Palm Beach Plaza bayendo zuid. Ora a puntra e chauffeur pa rijbewijs el a contesta na spaño cu e no tin. A pidie pa documento legal pa ta riba e pais y e no tabata tin tampoco e momento ey.
A detene pa violacion di ley di estadia y tambe pa coremento di auto sin rijbewijs. Cu dogcatcher a bay cune warda di Strand Politie. Eynan lo atende cune hunto cu Guarda Nos Costa y dicidi si e lo keda warda e momento pa deportacion.
Tanto Guarda Nos Costa como tambe Polis ta detene stranheronan indocumenta tur dia. Tin cu a drenta cu avion y keda atras intencionalmente y otronan a drenta cu boto cu ya caba ta un entrada ilegal.
