Plaza Ambiente di Maristela a bira un realidad y tanto e trahado como clientenan di e instituto ta sumamente entusiasma y contento naturalmente cu nan tin nan propio espacio pa crea ambiente.
Segun Any Solognier y Roxanne Ras, empleadonan di Maristella, antes tabata decora parti dilanti di Maristella, pero a pone parti patras mirando cu ta mas safe pa nos grandinan y mas facil pa transporta nan. E plaza aki tin un aña y ta yama “Plaza Ambiente”. E grandinan ta goza ora nan ta sinta pafo pa wak luz y combersa cu otro. Durante decoracion e grandinan tambe ta presencia e momentonan aki. Actualmente tin mas of menos 96 pashent. 35 di e pashentnan ta somatiek, kiermen cu nan ta bon bij y tin rond di 48 pashent cu tin dementia y tambe nos alleenwonen, cu ta mas of menos 15 bewoners y nan ta biba pafo di e afdelingnan. Nan ta mas independiente (nan ta bij). E pashentnan ta parti den 3 afdleling. Meta cu e plaza aki ta pa pone ambiente y pa alegra nos grandinan, dus no tin mester di subi caya cu nan mirando cu eynan mes por have fun cu nan. Ta desea tur hende feliz dianan di fiesta y corda ‘si bo ta bebe no stuur y si bo ta stuur no bebe’ y preferiblemente sinta chill na cas y no riba caya.
Tambe a combersa cu sra. Marita, locatie manager di Maristela. El a splica durante decoracion di e plaza nos grandinan tambe a yuda cu poniendo luz, bari etc. Marita kier a gradici su coleganan paso nan a haci un hopi bon trabou pa haci e luga aki asina bunita. Sponsornan cu kier a gradici ta AHATA y Divi Divi. Nan contrubucion tabata sumamente importante pa e plaza aki. Ta desea pueblo di Aruba feliz dia nan di fiesta y pa nos por pase sano y salbo. Asina Marita “Locatie Manager” a conclui bisando.
Prome Minister di Aruba, sra. Evelyn Wever-Croes tambe tabata tey presente na e actividad aki, unda cu el a inaugura e plaza aki hunto cu sr. Marcelino Dijkhoff. El a duna, durante un discurso cortico pero alegre, su palabranan di convivencia cu nos grandinan.
