Diadomingo anochi un tal Zeykiel Perez a publica riba e plataforma di Facebook “Vraag en Aanbod” cu e ta bende un vacuna di Covid-19. E ta pidi publico pa nan mes dun’e un oferta y bo ta bay cu ne. El a skirbi “M’a trece nan mi mes y mi no tin uzo pa nan. Inbox pa mas info”. Ta obvio cu e ciudadano aki no ta mira nada malo pa bende un vacuna medicinal asina sin mas riba internet, manera nad’un pasa.
Tanto Directie Volksgezondheid Aruba (DVG) como Inspectie Volksgezondheid Aruba (IVA) a sigura cu nan ta ‘riba e caso aki’. DVG entodo caso no a raporta ladronicia di vacuna ni cu nan a perde vacuna. IVA di otro banda no por confirma cu si tin un investigacion penal andando caba, pero si a subraya cu nan ta riba e caso aki di posibel importacion y benta di vacuna. Ley penal y ley di remedi ta stipula un multa te na un maximo di mey miyon florin pa esun cu faya. Lesa TREMPAN pa e storia completo.
