Durante un sesion di informacion special pa prensa riba e topico di Landspakket, Indra Zaandam, encarga cu uitvoeringsrapportage, a informa tocante e situacion actual di su ehecucion. T’asina cu tin 67 plus punto di accion. Esunnan envolvi, te cu aworaki, ta dirigi un organisacion of tin un puesto clave den un tipo di organisacion, sea cu ta consehero of subdirector. A ripara cu a cuminsa cu ocho tema y algun accion, pero eventualmente a yega na etapa di implementacion y esey ta rekeri mas cu skirbi un rapport. E kier men man y pia di hende cu ta bay haci e trabou.
Pa cu esaki, a papia cu Hulanda riba tijdelijk werkorganisatie niveus, por ehempel Ruben Goedhoop y Isaura Carrillo. Tin dialogo tur diamars y esaki ta un punto di atencion cu a trece dilanti. Por ehempel, tema B siman cu ta bin tin tres rapport pa entrega, dia 15 di november dos rapport mas y 1 di november y tambe. Tur ta cambionan grandi. Tema A, por ehempel ta inclui verslaggeving stelsel en dergelijken, landsbesluiten cu DWJZ tambe ta bezig cu ne, Zaandam a splica.
A palabra dos cos: Ta bay wak cua ta e temanan grandi cu lo por rekeri sosten den capacidad. Asina a bin cu e termino: programma manager. Siman pasa caba a saca e peticion oficial pa bin cu programma managers specialmente pa Tema A, Tema B y Tema F cu ta cuido. Cuido tambe tin su rol basta extenso, e funcionario a indica.
