E prome curso di “Silver Entreprenuership” a termina siman pasa. Minister di Asuntonan Economico, Geoffrey Wever hunto cu e representantenan di Directie Economische Zaken (“DEZHI”) su unidad di IDEA tabata t’ey presente durante e otorogacion di diploma, otorga door di minister di Asuntonan di Adulto Mayor, minister Ursell Arends.
Silver Entrepreneurship a enfoca riba e hermentnan necesario pa un persona por haci su propio negoshi, asina stimulando nan pa eherce nan hobby of profession, te asta despues cu nan baha cu pensioen.
“Recuperacion economico ta conta cu participacion di tur esunnan cu ta capas y dispuesto”, segun minister Wever.
Sigur nunca ta laat pa siña y asina tambe 18 adultonan mayor a participa na e curso y a ricibi nan certificado di participacion. Ta spera cu e inspiracion y educacion ricibi algun di nan lo sigui na desaroya nan businessplan y ofrece na comunidad nan producto of servicio.
Un palabra di felicitacion y danki na e organisadornan di IDEA pa nan bunita trabou. Tambe kier desea tur e graduadonan tur clase di exito den nan proximo etapa di nan bida!
