Despues cu mando di Cuerpo Policial a dicidi di bay contra decision di corte y a informa e funcionario Efa
Policial cu ainda e ta geschors, a bin otro decision di hues. Cu un ordo firme a dicidi cu mester pone traha di inmediato.
Maduro a haya informe cu ta bay dun’e su retiro despues di incidentenan cu a tuma luga den periodo di pandemia. Pero el a bay corte y e decision tabata cu e echonan no ta pisa asina hopi cu mester dun’e su retiro di inmediato.
Ora cu el a kere cu e por reanuda su trabou y, manera a pone den su sentencia cu algun curso, a resulta cu a inform’e cu e no por traha. Nan ta di opinion cu e schorsing ta valido ainda.
Dialuna mainta el a bay corte y e situacion tabata asina urgente cu a dicidi di tuma un decision mesora.
Maduro tabata geschors for di 23 di mei, 2022 te cu 7 di juni, 2023. Y dia 22 di november ultimo, el a bolbe haya carta di mando cu e ta geschors ainda.
Hues a bisa cu no tin informacion cu a schors Maduro pa un otro caso. No tin motibo tampoco pa no pone trana di inmediato. Pa esaki a dicidi di ordena pa lag’e reanuda su trabou di inmediato.
