Dialuna marduga Wardacosta a haya un notificacion di Cuerpo Policial Aruba cu e personanan indocumenta a logra subi tera den area di Vader Piet. A haya un total di tres cumpra.
Trempan dos persona a duna un declaracion na un persona local. Aki nan a indica cu nan a bini cu un lancha, pero esaki lo mester a bolter riba lama. Mesora Wardacosta a saca unidad di tera pa bay tira un bista den e area. Na yegada na e area panort di Aruba, e agentenan di Wardacosta a detecta dos curpa sin bida den lama. Di biaha a percura pa saca nan.
Cuerpo Policial di Aruba a dirigi nan helicopter y Wardacosta a dirigi su patruyanan di tera pa sigi cu e busceda pa mira si ta encontra mas persona. Durante e buskeda andando a encontra un curpa mas sin bida. E caso a sigui te den ora di anochi.
Otro curpa haya den ora di anochi
Wardacosta a sigui cu nan trabou di buskeda, unda cu rato pasa e helicopter di Wardacosta a saca un curpa sin bida mas for di lama na parti nort di Aruba den e caso aki ariba menciona.
Tur e unidadnan concerni tabata presente na Vader Piet pa asina yuda cu e buskeda di hende indocumenta pero tambe pa mira si por a haya mas curpa sin bida. En total a haya tres curpa sin bida den lama. Despues cu a saca e di tres curpa for di lama, a pone esaki den bak’i pickup wardando auto di funeraria presenta n’e sitio pa bay cu e curpa haya pariba di Vader Piet.
Esaki ta e caso caminda un lancha lo a bolter den ora di marduga den area di Vader Piet.
Aña pasa a haya curpa sin bida na Vader Piet
Aña pasa den e mesun area aki a haya curpa ta drif. Incluso na varios ocasion polis a haya purun, jacket di salbabida den e area di Vader Piet. P’esley polis ta controla den e area di Vader Piet cu regularidad y asina cu detecta algo, mesora ta activa pa cuminsa c’un buskeda.
