Riba e vuelo procedente di Amsterdam, Hulanda, a yega un cantidad di pasahero di cual a obliga 54 di nan pa haci test pa Coronavirus, mientras 20 pasahero a yega cu test recien haci caba. Te ainda no a cobra pa test, aunke awo ainda ta evaluando e tarifa cu lo cobra. Ta considerando opcion di $75 pa $90.
E mashin ta produci un resultado den tres ora. Por haci 90 test den tres ora di tempo. Si test positivo lo mester bay den isolacion.
Informacion adicional ta menciona cu Hospital a inverti como 3 miyon florin den adkisicion di aparatonan sofestica di laboratorio, pa por haci e testnan aki na Aeropuerto mes. Riba dje, a recluta como 16 nurse adicional caba pa haci e trabou na Aeropuerto, entre nan nursenan pensiona di Hospital mes. Ta intencion pa redobla esaki pa otro luna. E prome mashin ta yega dia 1 di juli y e di dos ta yega 7 di juli.
E protocol na Aeropuerto ta bastante estricto, den cual e pasahero mester yena tur informacion prome cu e sali di su destinacion di origen. Esey ta bay digitalmente via internet, den cual por verifica si a haci test caba of si mester haci test na Aruba prome cu drenta.
Te awo ta Hospital mes ta atendiendo e testnan aki na Aeropuerto, aunke cu ta considerando pa envolvi un laboratorio priva den esaki. Personal di Hospital ta insisti cu nan mes por haci e trabou aki y es mas, lo yuda Hospital tambe den ingreso en bes di pasa e entrada miyonario ey pa un compania priva.
