E horcan di categoria 4, Eta, considera como “extremadamente peligroso,” a yega tera diamars “a lo largo di e costa noordoost di Nicaragua” cu bientonan maximo sosteni di 220 kilometer pa ora (140/h), asina National Hurricane Center di Merca (NHC) a informa.
Den su boletin di 6’or di atardi, e wowo di e sistema, a localisa e di 22 horcan di e temporada, na 35 kilometer (20 miya) zuid-zuidoost di e ciudad di Puerto Cabeza, den Caribe Nicaraguense.
EFE/ Jorge Torres
Eta ta moviendo west riba un velocidad cerca di 6 km/h (3m/h). Ta spera cu un movimento noordwest lo cuminsa na final di dia di awe, cu un disminucion di e forsa di su bientonan asina cu e centro di e horcan yega na e interior di Nicaragua, NHC a indica.
Segun e grafico di trayectoria di e observatorio Mericano cu sede na Miami, den e prome oranan di diaranson, Eta lo tabata den Nicaragua debilita como un tormenta tropical. E mesun dia, pero parti atardi, e lo pasa frontera cu Honduras y lo debilita mas ainda convirtiendo den un depresion tropical.
Actualmente e bientonan cu forsa di horcan lo extende te cu 25 miya (35km) desde su wowo y esunnan mas debil (cu forsa di tormenta tropical) lo yega na 115 miya (185 km).
Eta a converti den horcan “mayor” dialuna ora cu el a pasa categoria 3 riba e escala Saffir-Simpson di horcan y den poco tempo a escala na 4, mientras cu e tabata yega Nicaragua den Caribe.
Un horcan “mayor” tin bientonan di 111 miya pa ora (178 km/h). Den e categoria 3 ta e horcannan cu bientonan entre 178 y 209 km/h, den 4 esunnan di 210 pa 251 km/h y den categoria 5, ta 252 km/h y mas.
Ta pa prome biaha cu ta uza e nomber Eta desde cu a denomina e tormentanan di acuerdo cu un lista actual, loke ta nifica cu 2020 ta un aña record den Atlantico. Ora cu e lista yega su fin, ta uza e leternan di e Alfabet Griego y asina tabata e aña aki te ora cu a yega na Eta. Te cu awor aki tabatin 28 tormenta tropical cu nomber, di cual 12 tabata horcan y ta keda henter november pa e temporada aki por caba oficialmente.
