E charla di dialuna anochi, organisa pa Stemwell Colombia, tabata un charla pa bisa e pueblo di Aruba cu tin un posibilidad pa kita e dolornan cu nan a bin ta sufriendo di dje. MFA Paradera a keda chikito, cu hendenan interesa pa cera conoci cu e tratamento revolucionario, cu ta wordo yama e medicina regenerativo.
Segun a wordo splica door di e experto dr. Stephen Howell, e parti regenerativo di e curpa ta wordo uza pa trata e mesun dolornan cu bo tin. Dr. Howell, ta medico general na Stemwell Colombia. El a splica e publico cu e tratamento ta encera cu ta uza e celnan bon di e ciudadano pa trata e dolornan of e problemanan di articulacion cu e pashent ta sufri di dje. Na Stemwell Colombia, ta trata mas e parti ortopedico, e parti di artrosis, artritis, hernia discal, problema na heup, dolor na heup, desgaste.
Hopi hende a atende charla organisa pa Stemwell Colombia na MFA Paradera
Hopi hende a atende charla organisa pa Stemwell Colombia na MFA Paradera. Click link pa mas https://24ora.tv/2Z8DZSB
Posted by 24ora on Tuesday, June 4, 2019
Un di e participantenan a splica con el a cay for di dak, y e dolornan cu a bin acerca, manera dolornan muscular y hasta dolor di cuero. Stemwell tin pashentnan cu ta bin cu hemoragia di cuero, cu ta duna nan sensacion di cuero ta kima, cual nan ta trata eynan cu stemcell. Tin pashent cu ta wak e resultadonan den 24 ora.
Tin pashent cu ta tuma nan tempo pasobra, dr. Howell ta bisa, e cambionan por surgi entre 3 y 6 luna. Pero desde e tratamento mes lo bo cuminsa haya un mehoracion den bo dolornan, segun dr. Howell. “Stemcells ta mescos cu un simia. Mas facil e no por ta pa splica.”.
Kico ta haci
Ta purba di dun’e tur nutriente, e cosnan mas miho pa nan por crece den nan ambiente, den nan tera, cual ta bo curpa. Ta duna un tratamento tambe cu ta e Grow Factornan cu ta wordo saca for di bo mesun curpa pa yuda e stemcellnan crece, cual ta wordo aplica na durante di e tratamento di stemcell, tres of cuater dia despues di e tratamento.
E pakete ta inclui un tratamento despues di seis luna cu e pashent ta biaha pa Colombia. Ta inyecta atrobe e grow factornan, cual ta inclui den e prijs cu a paga. Solamente tin cu yega Colombia y e instituto lo atendebo. Nan tin clientenan cu ta haci deporte, nan tin tratamento pa muchanan jong di 14/16 aña, cu ta un grupo cu nan a yega di atende caba na Colombia. Tambe nan tin pashentnan di riba 90 aña cu tratonan di stemcell, Howell a finalisa. E clinica aki por wordo haya facilmente riba Internet: Stemwell Colombia y nan ta ubica na Bogota.
