Diaranson atardi automobilistanan atento a notifica redaccion di 24ora.com di algun actividad poco peculiar riba caminda grandi banda di Camacuri.
Tabata algo prome cu 3pm ora a wak un auto ta baha cu hombernan fuertemente arma ta para algun trekker cu ta lastra container. Hopi a kere cu ta detencion tin pero e realidad tabata otro. Aparentemente lo tabata trata di transporte arma for di Waf di Barcadera pa Banco Central.
E siguridad pa cu e transporte aki tabata maximo. Algo lo a bay robes cu e trekker y container cu nan mester a baha caminda un rato pa haci algun ahuste. Algun minuut despues e trekker cu containernan y e hombernan arma a sigui nan caminda pa Playa. E caravana a sigui riba L.G. Smith Boulevard y pasa dor di full e cambionan den ruta pa yega J.E Yrausquin Boulevard.
